سام سنگ گلیکسی 8، آئی فون 8 سے کہیں زیادہ سستا ہوگا

سام سنگ گلیکسی ایس 8کی لانچنگ میں ایک ہفتہ رہ گیا ہے اور اس نئے فون کی قیمت کی تفصیلات مبینہ طور پر سامنے آگئی ہیں۔

سام سنگ کا یہ ہینڈ سیٹ رواں ماہ کی 29 تاریخ کو منظرِ عام پر آئے گا اور اس کی شپنگ اپریل کے آخر میں شروع ہوگی اور ایون بلاس کے بتائے جانے والے اعداد کےمطابق یہ آئندہ آنے والے آئی فون 8سے کہیں زیادہ سستا ہوگا۔

ایک ٹوئٹر پوسٹ میں ایک ٹیکنالوجی ماہر کادعویٰ تھا کہ ایس 8 کی قیمت 799یوروز جبکہ ایس 8پلس کی قیمت 899 یوروز ہوگی۔

ایس 8مارکیٹ میں آنے کے بعد یقیناً سب سے مہنگا اسمارٹ فون ہوگا لیکن رپورٹس کے مطابق اپنی دسویں سالگرہ پر آنے والے آئی فون کی قیمت 1000ڈالرز سے زیادہ ہوگی۔

یہ قیمت آئی فون 7کے مقابلے میں  کہیں زیادہ ہے ۔ یہ ایپل کی جانب سے فروخت ہونے والا مہنگا ترین ہینڈ سیٹ ہوگا۔